Tumhein ne to kiya hum ko Musalman Ya Rasool Allah
Tumhein to ho hamara deen-o-imaan Ya Rasool Allah
Na bhoole aur na bhoolo ge qayamat tak ghulamon ko
Na kyon hon Ahle-sunnat tum pe qurbaan Ya Rasool Allah
Faqat ye aarzoo hai naz' mein marqad mein mehshar mein
Kahin hum se na chhute tera daaman Ya Rasool Allah
Liwa-ul-hamd ke neeche bane Maula qayamat mein
Mera har rongta tera sana khwan Ya Rasool Allah
Tere husn-o-malahat par do alam kyon na hon qurbaan
Khudaye pak hai tera sana khwan Ya Rasool Allah
Makan-o-lamakan hoor-o-malak arsh-o-falak kursi
Tumhare hi liye ye sab hai saaman Ya Rasool Allah