Un Ki Mehak Ne Dil Ke Ghunchay Khila Diye Hain

Un ki mehak ne dil ke ghunchay khila diye hain Jis raah chal gaye hain koochay basa diye hain Jab aa gayi hain josh-e-rehmat pe un ki aankhen Jalte bujha diye hain rote hansa diye hain Ek dil hamara kya hai aazar is ka kitna Tum ne to chalte phirte murday jala diye hain Un ke nisar koi kaise hi ranj mein ho Jab yaad aa gaye hain sab gham bhula diye hain Hum se faqeer bhi ab pherenge uthte honge Ab to ghani ke dar par bistar jama diye hain Isra mein guzre jis dam bide pe qudsiyon ke Hone lagi salami parcham jhuka diye hain Aane do ya dubo do ab to tumhari janib Kashti tumhein pe chhori langar utha diye hain Dulha se itna keh do pyare sawari roko Mushkil mein hain barati pur-khar baadiye hain Allah kya jahannam ab bhi na sard hoga Ro ro ke Mustafa ne darya baha diye hain Mere kareem se gar qatra kisi ne manga Darya baha diye hain dur-e-be-baha diye hain Mulq-e-sukhan ki shahi tum ko Raza musallam Jis simt aa gaye ho sikke bitha diye hain Hai lab-e-Isa se jaan bakhshi zara li haath mein Sang-reze paate hain sheereen maqaali haath mein Be-nawaon ki nigahien hain kahan tahweer-e-dast Reh gayien jo paa ke jood-e-la-yaazaali haath mein Kya lakeeron mein Yadullah khat sar-o-aasa likha Raah yun us raaz likhne ki nikaali haath mein Jood-e-Shah-e-Kauthar apne pyaason ka joya hai aap Kya ajab ud kar jo aa aaye pyaali haath mein Abr-e-neesaan mominon ko tegh-e-uryan kufr par Jam’a hain shaan-e-jamali-o-jalali haath mein Maalik-e-konain hain go paas kuch rakhte nahin Do jahan ki naimatein hain un ke khaali haath mein Saya afgan sar pe ho parcham-e-ilahi jhoom kar Jab Liwa-ul-Hamd le ummat ka waali haath mein Har khat-e-kaf hai yahan aye dast-e-baiza-e-Kaleem Maujzan daryaye noor-e-be-misali haath mein Woh garan sangi-e-qad-e-mas woh arzani-e-jood Nau’iya badla kiye sang-o-lali haath mein Dastgeer-e-har do alam kar diya Sibtain ko Aye main qurban jaan-e-jaan angusht-e-khayali haath mein Aah woh aankhen ke aankhen band aur lab par durood Waqf-e-sang-e-dar-e-rauza ki jaali haath mein Jis ne bai’at ki bahar-e-husn par qurban raha Hain lakeerein naqsh-e-taskheer-e-jamali haath mein Kaash ho jaon lab-e-Kauthar mein yun warifta hosh Le kar us jaan-e-karam ka zail-e-aali haath mein Aankh mehv-e-jalwa-e-deedar dil pur josh-e-wajd Lab pe shukr-e-bakhshish-e-saqi pyaali haath mein Hashr mein kya maze wariftagi ke lon Raza Loot jaon paa ke woh daaman-e-aali haath mein