Waqt-e-sehri ka ho gaya jago noor har samt chha gaya jago
Utho sehri ki kar lo tayari roza rakhna hai aaj ka jago
Mah-e-Ramzan ke farz hain rozay aik bhi tum na chhorna jago
Utho utho wuzu bhi kar lo aur tum tahajjud karo ada jago
Phuskian garam chai ki bhar lo kha lo halki si kuch ghiza jago
Hogi maqbool fazl-e-Maula se kha ke sehri karo dua jago
Mah-e-Ramzan ki barkatein loto loot lo rehmat-e-Khuda jago
Kha ke sehri utho ada kar lo sunnat-e-Shah-e-Anbiya jago
Tum ko Maula dikhaye aur hajj bhi karo ada jago
Tum ko Ramzan ke sadqay Maula de ulfat-o-ishq-e-Mustafa jago
Tum ko Ramzan ka Madinay mein de sharaf-e-Rabb-e-Mustafa jago
Kaisi pyari fiza hai Ramzan ki dekh lo kar ke aankh wa jago
Rehmaton ki jhari barasti hai jald uth kar ke lo naha jago
Tum ko deedar-e-Mustafa ho jaye hai ye Attar ki dua jago