Al-aman qahar hai ay Ghaus woh teekha tera
Mar ke bhi chain se sota nahin mara tera
Badalon se kahin rukti hai kadakti bijli
Dhalain chhat jaati hain uthta hai jo tegha tera
Aks ka dekh ke munh aur phir jaata hai
Char aaina ke bal ka nahin neza tera
Koh sar mukh ho to ek waar mein do par kaale
Haath padta hi nahin bhool ke ocha tera
Is pe yeh qahar ke ab chand mukhalif tere
Chahte hain ke ghata dain paya tera
Aql hoti to Khuda se na ladayi lete
Yeh ghatayain usay manzoor badhana tera
Wa rafa'na laka zikrak ka hai saya tujh par
Bol bala hai tera zikr hai ooncha tera
Mit gaye mit jayenge mit jayenge a'da tere
Na mita hai na mite ga kabhi charcha tera
Tu ghataye se kisi ke na ghata hai na ghate
Jab badhaye tujhay Allah Ta'ala tera
Sam-e-qatil hai Khuda ki qasam un ka inkar
Munkir-e-fazl-e-Huzoor aah yeh likha tera
Mere sayyaf ke khanjar se tujhay baak nahin
Cheer kar dekhay koi aah kaleja tera
Ibn-e-Zahra tere dil mein hain yeh zehar bhare
Bal be ao munkir-e-bebaak yeh Zahra tera
Baaz-e-ashab ki ghulami se yeh aankhein phirni
Dekh ud jaye ga imaan ka tota tera
Shaakh par baith ke jad kaatne ki fikr mein hai
Kahin neecha na dikhaye tujhay shajar tera
Haq se bad ho ke zamana ka bhala banta hai
Arre main khoob samajhta hoon muamma tera
Sag-e-dar-e-qahar se dekhay to bikhar ta hai abhi
Band band badan ay roo ba dunya tera
Gharz Aqa se karoon arz ke teri hai panah
Banda majboor hai khatir pe hai qabza tera
Hukm naafiz hai tera khama tera saif teri
Dam mein jo chahe kare door hai Shaha tera
Jis ko lalkar de aata ho to ulta phir jaye
Jis ko chamkar le har phir ke woh tera tera
Kunhiyan dil ki Khuda ne tujhe deen aisi kar
Ke yeh seena ho mohabbat ka khazeena tera
Dil pe kunda ho tera naam ke woh duzd-e-rajeem
Ultay hi paon phiray dekh ke tughra tera
Naz'a mein, gor mein, meezan pe, sar-e-pul pe kahin
Na chhootay haath se daaman-e-mu'alla tera
Dhoop mehshar ki woh jaan soz-e-qayamat hai magar
Mutma'in hoon ke mere sar pe hai palla tera
Bahjat us sar ki hai jo 'Bahjat-ul-Asrar' mein hai
Ke falak war mureedon pe hai saaya tera
Ae Raza cheest gham ar jumla jahan dushman tust
Karda-am mamin-e-khud qibla-e-hajat-e-ra