Wasl-e-Chaharam dar Manaqibat-e-A'da wa Isti'anat az Aqa Radi Allahu Ta'ala Anhu

الاماں قہر ہے اے غوث وہ تیکھا تیرا مر کے بھی چین سے سوتا نہیں مارا تیرا بادلوں سے کہیں رکتی ہے کڑکتی بجلی ڈھالیں چھٹ جاتی ہیں اٹھتا ہے جو تیغا تیرا عکس کا دیکھ کے منھ اور پھر جاتا ہے چار آئینہ کے بل کا نہیں نیزا تیرا کوہ سر مکھ ہو تو اک وار میں دوپر کالے ہاتھ پڑتا ہی نہیں بھول کے اوچھا تیرا اس پہ یہ قہر کہ اب چند مخالف تیرے چاہتے ہیں کہ گھٹا دیں پایہ تیرا عقل ہوتی تو خدا سے نہ لڑائی لیتے یہ گھٹائیں اسے منظور بڑھانا تیرا وَرَفَعْنَالـَکَ ذِکْرَک کا ہے سایہ تجھ پر بول بالا ہے ترا ذکر ہے اونچا تیرا مٹ گئے مٹ جائیں گے مٹ جائیں گے اعدا تیرے نہ مٹا ہے نہ مٹے گا کبھی چرچا تیرا تو گھٹائے سے کسی کے نہ گھٹا ہے نہ گھٹے جب بڑھائے تجھے اللہ تعالیٰ تیرا سم قاتل ہے خدا کی قسم اُن کا انکار منکرِ فضلِ حضور آہ یہ لکھا تیرا میرے سیاف کے خنجر سے تجھے باک نہیں چیر کر دیکھے کوئی آہ کلیجا تیرا ابنِ زہرا ترے دل میں ہیں یہ زہر بھرے بل بے او منکرِ بے باک یہ زہرا تیرا بازِ اشہب کی غلامی سے یہ آنکھیں پھرنی دیکھ اڑ جائے گا ایمان کا طوطا تیرا شاخ پر بیٹھ کے جڑ کاٹنے کی فکر میں ہے کہیں نیچا نہ دکھائے تجھے شجر تیرا حق سے بد ہو کے زمانہ کا بھلا بنتا ہے ارے میں خوب سمجھتا ہوں معما تیرا سگِ درِ قہر سے دیکھے تو بکھرتا ہے ابھی بند بند بدن اے رو بہ دنیا تیرا غرض آقا سے کروں عرض کہ تیری ہے پناہ بندہ مجبور ہے خاطر پہ ہے قبضہ تیرا حکم نافذ ہے ترا خامہ ترا سیف تری دم میں جو چاہے کرے دور ہے شاہا تیرا جس کو للکار دے آتا ہو تو الٹا پھر جائے جس کو چمکار لے ہر پھر کے وہ تیرا تیرا کنھیاں دل کی خدا نے تجھے دیں ایسی کر کہ یہ سینہ ہو محبت کا خزینہ تیرا دل پہ کندہ ہو ترا نام کہ وہ دُزدِ رجیم اُلٹے ہی پاؤں پھرے دیکھ کے طغرا تیرا نَزْع میں، گور میں، میزان پہ، سرِ پل پہ کہیں نہ چھوٹے ہاتھ سے دامنِ مُعلّٰی تیرا دھوپ محشر کی وہ جاں سوز قیامت ہے مگر مطمئن ہوں کہ میرے سر پہ ہے پلا تیرا بہجت اس سر کی ہے جو ”بہجۃُ الْاَسْرار“ میں ہے کہ فَلَک وار مریدوں پہ ہے سایہ تیرا اے رضا چیست غم ار جملہ جہاں دشمن تُست کردہ ام مامِنِ خود قبلۂ حاجاتِ را