Ya Rab! Phir Auja Par Yeh Hamara Naseeb Ho

Ya Rab! Phir auja par yeh hamara naseeb ho Soo-e-Madina phir hamein jana naseeb ho Makka bhi ho naseeb Madina naseeb ho Dasht-e-Arab naseeb ho sehra naseeb ho Hajj ka safar phir ae mere Maula naseeb ho Arafat ka Mina ka nazara naseeb ho Allah! deed-e-Gumbad-e-Khizra naseeb ho Ya Rab! Rasool-e-Pak ka jalwa naseeb ho Chomon Arab ki wadiyan ae kash! ja ke phir Sehra mein unke ghoomna phirna naseeb ho Kaabe ke jalwon se dil-e-muztar ho kash! shad Lutf-e-tawaf-e-khana-e-Kaaba naseeb ho Makke mein unki wiladat pe Ya Khuda Phir chashm-e-ashkbar jamana naseeb ho Kis tarah shauq se wahan karte the hum tawaf Phir gird-e-Kaaba jhoom ke phirna naseeb ho Hum ja ke khoob lootein Madine ki dhool par Aankhon mein khaak-e-Taiba lagana naseeb ho Sad afreen! Gumbad-e-Khizra ki tabishein Jalwon mein uske khud ko gumana naseeb ho Wan chalchalati dhoop ka bhi ek suroor hai Joote utaar kar wahan chalna naseeb ho Namnak aankh Gumbad-e-Khizra ko choom le Jhuk jaye phir adab se woh lamha naseeb ho Kardon mein kash! jaliyon par apni jaan fida Roza ka unke jis ghari jalwa naseeb ho Mehrab o mimbar aur woh haryali jaliyan Aur Masjid-e-Habib ka jalwa naseeb ho Jannat ki pyari kyari ki thein khoob ronaqein Phir baithna wahan pe Khudaya naseeb ho Chup chup ke dekhon mimbar-e-aqdas ki phir bahar Shayad kabhi to Shah ka jalwa naseeb ho Hijr-e-Rasool mein hamein Ya Rab-e-Mustafa Ae kash! phoot phoot ke rona naseeb ho Attar ki ho haziri har saal Ya Khuda Aakhir ko Taiba mein usey marna naseeb ho