Ya Rabb-e-Muhammad meri taqdeer jagade, sahra-e-Madina mujhe aankhon se dikhade
Peecha mera dunya ki mohabbat se chura de, Ya Rabb mujhe Madinay ka deewana banade
Rota huwa jis waqt main darbar mein pohanchon, us waqt mujhe jalwa-e-Mahboob dikhade
Dil-e-ishq-e-Muhammad mein tarapta rahe har dam, seenay ko Madina mere Allah banade
Behti rahe aksar shab-e-abrar ke gham mein, roti hui woh aankh mujhe mere Khuda de
Imaan pe de maut Madinay ki gali mein, madfan mera Mahboob ke qadmon mein banade
Allah karam itna gunahgar pe farma, jannat mein parosi mere Aaqa ka banade
Deta hoon tujhe wasta main pyare Nabi ka, ummat ko Khudaya rah-e-sunnat pe chala de
Allah milay hajj ki isi saal sa'adat, badkar ko phir roza-e-Mahboob dikhade
Attar se Mahboob ki sunnat ki le khidmat
Danka yeh tere Deen ka dunya mein bajade