Zair-e-Taiba! Rozay pe ja kar, tu salam un se ro ro ke kehna

Zair-e-Taiba! Rozay pe ja kar, tu salam un se ro ro ke kehna Mere gham ka fasana suna kar, tu salam un se ro ro ke kehna Teri qismat pe rashk aa raha hai, tu madine ko ab ja raha hai Aah! Jata hai mujh ko rula kar, tu salam un se ro ro ke kehna Jab pahunch jaye tera safeena, jab nazar aaye meetha madina Ba-adab apne sar ko jhuka kar, tu salam un se ro ro ke kehna Jab ke aaye nazar pyara Aaqa, choom lena nazar se tu ka'aba Ho sake gar to har ja pe ja kar, tu salam un se ro ro ke kehna Tu Arab ki haseen wadiyon ko, regzaron ko abadiyon ko Meri janib se palkein bicha kar, tu salam un se ro ro ke kehna Jab ke pesh-e-nazar jaliyan hon, teri aankhon se aansu rawan hon Mere gham ki kahani suna kar, tu salam un se ro ro ke kehna Aamina ke dulare ko pehle, baad shaikhain ko bhi tu keh le Phir Baqi-e-Mubarak pe ja kar, tu salam un se ro ro ke kehna Mangna mat tu duniya ki daulat, mangna un se bas un ki ulfat Khoob deewane dil ko laga kar, tu salam un se ro ro ke kehna Mere Aaqa ke mehrab-o-minbar, un ki masjid ke deewar aur dar Qalb ki aankh un par jama kar, tu salam un se ro ro ke kehna Pyari pyari woh jannat ki kyari, choom lena nigahon se sari Bahr-e-rehmat mein ghota laga kar, tu salam un se ro ro ke kehna Sabz gumbad ke dilkash nazare, rooh parwar wahan ke manare Un ke jalwon mein khud ko guma kar, tu salam un se ro ro ke kehna Woh shaheedon ke sardar Hamza, aur jitne wahan hain Sahaba Tu sabhi ke mazaron pe ja kar, tu salam un se ro ro ke kehna Tu namazon ka paband ban ja, aur Sarkar ki sunnaton ka Inqalab apne andar bapa kar, tu salam un se ro ro ke kehna Soo-e-Mehboob ki bakriyon ko, murghiyon, lakriyon, lakriyon ko Balkay tinkay wahan ke utha kar, tu salam un se ro ro ke kehna Buliyan jab madine ki dekhe, khoob adab se unhein pyaar kar ke Hath narmi se un pe phera kar, tu salam un se ro ro ke kehna Un madine mein badal gheren jab, un se betab qatre giren jab Barish-e-noor mein tu naha kar, tu salam un se ro ro ke kehna Ashk-e-ulfat ki mehki lari se, rehmaton ki barasti jhari se Apna seena madina bana kar, tu salam un se ro ro ke kehna Zair-e-Taiba! Mera fasana, khoob ro ro ke un ko sunana Soz-e-ulfat se dil ko jala kar, tu salam un se ro ro ke kehna Sangrezon ko aur pathron ko, oont ghodon, mehron, khachron ko Aur parindon pe nazrein jama kar, tu salam un se ro ro ke kehna Ro raha hai har ek gham ka mara, arz karta hai tujh se bechara Meri bhi hazri ki dua kar, tu salam un se ro ro ke kehna Bagh-e-Taiba ki mehki fiza ko, thandi thandi wahan ki hawa ko Hath lehra ke sar ko jhuka kar, tu salam un se ro ro ke kehna Choom lena madine ki galiyan, pattiyan aur phoolon ki kaliyan Sab ko aankhon se apni laga kar, tu salam un se ro ro ke kehna Jab madine ke sehra se guzre, bhoolna mat, zara yaad kar ke Khak-e-Taiba zara si utha kar, tu salam un se ro ro ke kehna Tu madine ke kohsar ko bhi, khas ko khashak ko khaar ko bhi Zarre zarre pe aankhen bicha kar, tu salam un se ro ro ke kehna Un ka deedar ho gar muyassar, hosh bhi tera qaim rahe gar Jod kar hath, sar ko jhuka kar, tu salam un se ro ro ke kehna Woh madine ke madni nazare, dilkash o dilkusha pyare pyare In nazaron pe qurban ja kar, tu salam un se ro ro ke kehna Un ka dekhe jo naqsh-e-kaf-e-pa, khoob aansu wahan par bahana Aur palkon se jhadu laga kar, tu salam un se ro ro ke kehna Be-bason, gham ke maron ko bhai! Be-kason, dil figaron ko bhai! Khud bhi ro kar, unhein bhi rula kar, tu salam un se ro ro ke kehna Ashkbar aankh walon ko bhai, un ki aahon ko naalon ko bhai! Tu mazeed un ke gham mein rula kar, tu salam un se ro ro ke kehna Tu madine ki hariyalion ko, aur phalon se ladi daliyon ko Meethi meethi khajooren manga kar, tu salam un se ro ro ke kehna Woh madine ke pyare kabootar, jab nazar aayen tujh ko baradar Un ko thode se daane khila kar, tu salam un se ro ro ke kehna Tu darakhton ko aur jhariyon ko, un ki galiyon ki sab gadiyon ko Hath apna adab se laga kar, tu salam un se ro ro ke kehna Botlon balkeh tu dhaknon ko, daal, gundum ke daanon, chanon ko Choom kar aankh se bhi laga kar, tu salam un se ro ro ke kehna Bainganon, bhindiyon, toriyon ko, gobhiyon, gajron, moliyon ko Aankh se lok yun ko laga kar, tu salam un se ro ro ke kehna Kehna seebon ko aur aaroo-on ko, aur kailon ko zard aaloon ko Aur tarbooz sar pe utha kar, tu salam un se ro ro ke kehna Tu qanadeel ko qumqumon ko, tu sooch, taar ko, cooleron ko Thanda paani kisi ko pila kar, tu salam un se ro ro ke kehna Cheontiyon, khontiyon, tooniyon ko, har tarah ki jadi bootiyon ko Baar baar in pe nazrein jama kar, tu salam un se ro ro ke kehna Chawalon, rotiyon, botiyon ko, murgh, andon aur machliyon ko Sabziyon ko wahan ki paka kar, tu salam un se ro ro ke kehna Thaliyon ko piyalon ko bhai! Mirch ko aur masalon ko bhai! Chaye ki ketli ko utha kar, tu salam un se ro ro ke kehna Thande pankhon ko aur heateron ko, balkeh taaron aur meteron ko Battiyon ko wahan ki jala kar, tu salam un se ro ro ke kehna Jis qadar bhi hain paani ke nalke, phal to phal balkeh beej aur chhalke Haath in ki taraf bhi badha kar, tu salam un se ro ro ke kehna Tu makanon ko bhi khidkiyon ko, aur dewar o dar, seedhiyon ko Haan aqeedat se dil mein bitha kar, tu salam un se ro ro ke kehna Rassiyon, qainchiyon aur chhuriyon, chadaron, sui dhagon ko doriyon Sab ko seene se apne laga kar, tu salam un se ro ro ke kehna Kaash hota main sag-e-sayyad ka, ban ke darban pehra bhi deta Rab ne bheja hai insaan bana kar, tu salam un se ro ro ke kehna Masjid-e-pak ke mus-hafon ko, khubsoorat wahan ki safon ko Khak aankhon mein apni laga kar, tu salam un se ro ro ke kehna Jab madine se tu hoga rukhsat, gham se hogi ajab teri halat Apni palkon pe moti saja kar, tu salam un se ro ro ke kehna Arz karna ke hai arz itni, hazri ho madine hamari Sab ki janib se yeh iltija kar, tu salam un se ro ro ke kehna Arz karna yeh bechare bebas, kehte the sab yeh ro ro ke bekas Ham ko qadmon mein madfan ata kar, tu salam un se ro ro ke kehna Tu ghulamon pe kehna karam kar, ya Nabi door ranj o alam kar Un ko apni mohabbat ata kar, tu salam un se ro ro ke kehna Kehna Attar aye Shah-e-Aali! Hai faqat tujh se tera sawali Tu sawal is ka poora shaba kar, tu salam un se ro ro ke kehna