Zamana hajj ka hai jalwa diya hai shahid gul ko
Ilahi taqat-e-parwaz de parhaye bulbul ko
Baharein aaein joban par ghira hai abr-e-rehmat ka
Lab-e-mushtaq bheigein de ijazat saqiya mil ko
Mile lab se woh mushkilein muhr wali dam mein dam aaye
Tapak sun kar qum-e-Isa kahoon masti mein qul-qul ko
Machal jaoon sawal-e-mudda par tham kar daman
Behakne ka bahana paoon qasdan be-taammul ko
Dua kar bakht-e-khufta jaag hangam-e-ijabat hai
Hataya subah-e-rukh se shah ne shab-haye gul ko
Zuban-e-falsafi se amn-e-kharq-o-iltiyam-e-asra
Panah-e-daur-e-rehmat haye yak saat tasalsul ko
Do shamba Mustafa ka jumma Adam se behtar hai
Sikhana kya lihaz-e-haisiyat khoo-e-taammul ko
Wufoor-e-shan-e-rehmat ke sabab jurrat hai ae pyare
Na rakh bahr-e-Khuda sharminda-e-arz-e-be-taammul ko
Pareshani mein naam-e-un ka dil-e-sad chaak se nikla
Ijabat shana karne aayi geesoo-e-tawassul ko
Raza sabza-e-gardoon hain kotal jis ke mokab ke
Koi kya likh sake us ki sawari ke tajammul ko