Zamana hajj ka hai jalwa diya hai shahid gul ko

زمانہ حج کا ہے جلوہ دیا ہے شاہد گل کو الٰہی طاقتِ پرواز دے پرہائے بلبل کو بہاریں آئیں جوبن پر گھرا ہے ابرِ رحمت کا لبِ مشتاق بھیگیں دے اجازت ساقیا مِل کو ملے لب سے وہ مشکلیں مُہر والی دم میں دم آئے ٹپک سن کر قم عیسیٰ کہوں مستی میں قُل قُل کو مچل جاؤں سوالِ مدعا پر تھام کر دامن بہکنے کا بہانہ پاؤں قصداً بے تأمل کو دعا کر بختِ خفتہ جاگ ہنگامِ اجابت ہے ہٹایا صبحِ رُخ سے شہ نے شب ہائے گل کو زبانِ فلسفی سے امن خرق و التیام اسرا پناہِ دورِ رحمت ہائے یک ساعت تسلسل کو دو شنبہ مصطفےٰ کا جمعہ آدم سے بہتر ہے سکھانا کیا لحاظِ حیثیت خوئے تأمل کو وُفورِ شانِ رحمت کے سبب جرات ہے اے پیارے نہ رکھ بہرِ خدا شرمندہِ عرضِ بے تأمل کو پریشانی میں نامِ اُن کا دلِ صد چاک سے نکلا اجابت شانہ کرنے آئی گیسوئے توسل کو رضاؔ سبزہ گِردوں ہیں کوتل جس کے موکب کے کوئی کیا لکھ سکے اس کی سواری کے تجمل کو