Zarrey jhad kar teri peizaron ke
Taj bante hain sayyaron ke
Ham se choron pe jo farmayen karam
Khil'at-e-zar banen pushtaron ke
Mere Aqa ka woh dar hai jis pe
Maathay ghis jaate hain sardaron ke
Mere Isa tere sadqe jaoon
Toor be-toor hain bimaron ke
Mujrimo! Chashm-e-tabassum rakho
Phool ban jaate hain angaron ke
Tere abru ke tasadduq pyare
Band karte hain giraftaron ke
Jaan-o-dil tere qadam par ware
Kya naseebey hain tere yaron ke
Sidq-o-adl-o-karam-o-himmat mein
Char su thehrey hain in charon ke
Bahr-e-tasleem-e-Ali maidan mein
Sar jhuke rehte hain talwaron ke
Kaise Aqa ka banda hun Raza
Bol baley meri sarkaron ke