Zikr-e-Huzoor-e-Pak hai mere liye ghiza-e-rooh
Qalb ka chain is se hai isay dawa-e-rooh
Aisa mujhe karay Khuda yaad-e-huzoor mein fana
Hur rag-o-pay mein ishq-e-shah-e-meray rahay bajaye rooh
Madhat-e-shah-e-deen ka noor har rag-o-pay mein hai zaroor
Qabr mein thi jo teergi phail gayi ziya-e-rooh
Taiba pe hai idhar nazar hooron ka ishtiyaq idhar
Dekhiye baad-e-inteqal kaun si simt jaye rooh
Karlo qabool ya-nabi arz-e-Jamil-e-Qadri
Jab ke juda ho jism se Taiba mein ghar banaye rooh