(Gali waghera ke andar awazein laga kar ya phone kar ke namaz-e-fajr ke liye jagana Dawat-e-Islami ke madani mahol mein 'Sadaye Madina' kehlata hai. Gali mein 'Sadaye Madina' lagane mein megaphone istemaal na kijiye, awaz lagane mein ye bhi ehtiyat kijiye ke chotay bachon, mareezon aur jo islami behnein namaz parh kar soyi hon ya tilawat waghera mein mashghool hon unhein pareshani na ho. Mareez ya bachay ki takleef ke sabab koi shakhs 'Sadaye Madina' ki awaz dheemi rakhne ka kahe to foran us ki baat maan lijiye)
Gali mein Sadaye Madina ka tariqa
Bismillah-hir-Rahman-nir-Rahim parh kar durood-o-salam ke zail mein diye huay seeghay parh kar ke baad wala mazmoon dohratay rahiye:
Assalatu Wassalamu Alaika Ya Rasoolallah Wa Ala Alika Wa Ashabika Ya Habiballah
Assalatu Wassalamu Alaika Ya Nabiyallah Wa Ala Alika Wa Ashabika Ya Noorallah
Meethay meethay islami bhaiyo aur islami behno! Fajr ki namaz ka waqt ho gaya hai, sonay se namaz behtar hai, jaldi jaldi uthiye aur namaz ki tayari kijiye- Allah Azzawajal aap ko baar baar hajj naseeb kare aur baar baar meetha madina dikhaye, (mauqay ki munasibat se neeche di hui nazm mein se muntakhab ashaar bhi parhiye)